Chapter 2

Venice

Lubog sa paperworks itong si Venice at halos sumakit na ang kanyang ulo, mata at likod. Sa sobrang pagod, nagpatimpla siya ng kape kay Manong Jun.

“Manong Jun, white coffee nga please.” – Venice

          Biglang nanumbalik ang sigla ni Venice nang makita niyang isang oras na lang at magta-time out na. Habang humihigop ng kape, iniisip niya kung ano ang gagawin niya pagkatapos ng duty.

          Pagkalipas ng isang oras...

“Sa wakas! 5:00 pm na.” – Venice

          Pumasok sa office niya si Sky at kinausap ito.

“Sis, anong plano?” – Sky

“Ano pa nga ba? SHOPPING!!!” – Venice

“Okay prepare ko lang mga gamit ko.” – Sky

“Go, I’ll be ready in 5 minutes.” – Venice

          Nagmadaling ayusin naman ang gamit ni Sky at ganun din si Venice.  Pagod na ang dalawa sa work at naisipan pa nilang maglakad-lakad sa mall. Ito lang kasi ang relaxation ni Venice, hindi naman siya naninigarilyo at occasional lang kung uminom ng alak. Lumabas na ang dalawa at nagtungo sa mall. Sumakay ang dalawa ng taxi at habang nasa loob ay pinag-uusapan na agad kung ano ang kanilang kukunin sa mall.

          Si Venice ay bunso sa kanilang magkakapatid. Ang kanyang dalawang ate ay nasa abroad, nasa Canada ang panganay na si Violet at nasa Singapore naman ang isa pa niyang ate na si Venus. Ang kanyang kuya na si Vincent naman ay isang doktor sa isang sikat na hospital sa Makati. Ang kanyang naman naman na si Victor ay retiradong Philippine Navy at ang ina naman na si Vilma ay dating manggagawa sa iabng bansa partikular sa Singapore din. Silang mag-asawa na lang ang kasama ni Venice sa bahay. May kaya ang pamilya niya kaya naman ang mga magulang niya ay palaging nasa casino.   

          Baliakn natin sila Venice at Sky na kung saan ay nakarating na sa mall. Nagtungo ang dalawa sa isang department store upang mamili ng damit na isusuot sa hang-out ng tropa ni Venice. Halos walang mapili itong si Venice kaya umabot siya ng siyam siyam sa pamimili. Napagod naman itong si Sky sa kahihintay dahil sa katagalan nitong pumili ng bibilhin.

“Sis, year 2020 na! Kailan mo ba balak bumili?” – Sky

          Walang kibo si Venice.

“Sis, halos mag-iisang oras ka ng nandiyan at nagbabantay sa’yo.” – Sky

“Kalma ka lang sis. Ang dami kasi akong gusto pero dapat isa lang naman ang bibilhin ko at ngayon ako ay nalilito.” – Venice

“Hah!!??? Ano ba ang favorite mong kulay? Di yun na ang bilhin mo. OMG na to ha!!!” – Sky

          Halos namuti na ang mga mata ni Sky sa kahihintay kay Venice at laking ginhawa naman nito nang nakapili na si Venice. Binayaran na agad ito ni Venice sa cashier at pagkatapos ay kinausap si Sky.

“Saan tayo after this? Kain tayo?” – Venice

“Finally, nawalan ako ng calories sa paghihintay sayo sis, kailangan nating kumain sa isang buffet.” – Sky

“Hahaha. Sira! Sa isang fastfood na lang.” – Venice

          Pagkatapos nila sa cashier ay nagtungo ang dalawa sa isang fast food restaurant at dun pa sila nagkuwentuhan ng matagal. Pagkalipas ng ilang oras dun ay umuwi na ang dalawa.