Chapter 1

Venice

          Maagang nagising si Venice. Tumingin siya muna sa salamin upang tignan ang sarili. Nagpahanda siya ng makakain sa kanilang maid pagkatapos ay naligo na ito. Pagbaba ay nakahain na ang kanyang breakfast. Kumain na ito at habang kumakain ay tinawag ulit ang kanilang katulong.

“Ate Susie, pakitimplahan po ako ng coffee yung white please. Thanks.” – Venice

“Okay po maam.” – Ate Susie

          Inabot na nga ng katulong ang kape ni Venice. Habang kumakain ay inisip niya ang kanyang tropa na kung saan ay magkakaroon sila ng tropa day sa Linggo. Niyaya niya rin ang mga katulong na kumain na pero tapos na pala ang mga ito. Pagkatapos niyang kumain ay nagsipilyo na ito at pumasok na sa kanyang trabaho. Nagpahatid siya sa kanilang driver. Pagdating at pagdating sa kanyang trabaho ay binati agad siya ng guwardiya.

“Good morning po maam.” – Guard

“Good morning din manong.” – Venice

          Masaya siyang pumasok sa trabaho. Isa siyang assistant manager sa banko. Sadyang napaka stressful ng kanyang trabaho dahil napakalaki ng kanyang responsibilidad. Tuloy na siyang nagtungo sa kanyang office. Pagkaupo ay napansin niya ang isang tasa ng kape sa office table niya. Agad niyang tinawag ang utility na si Manong Jun. Nagtatakbo namang pumunta sa office ni Venice si Manong Jun.

“Manong Jun, diba ilang beses ko nang sinabi na white coffee? White coffee lang, white!” – Venice

          Pumasok naman sa kanyang office ang isa sa mga accountant niya at may dala-dalang tasa ng kape.

“Kalma lang sis, ito na ang white coffee mo. Dahan-dahan lang sa mga wrinkles, baka mag-multiply.” – Sky

          Si Sky o Ronald Tominez ay isang account at isang beki. Nauna siyang nagtrabaho kesa kay Venice sa parehong banko. Nang kalaunan ay naging magkaibigan ang dalawa dahil halos parehas sila ng hilig. Kinaibigan niya si Venice hindi dahil para sumipsip ito kundi dahil sadyang maarte si Sky at ganun din si Venice sabi nga ng mga matatanda, magkabalahibo-an.

          Sadyang ikinatuwa naman ni Venice ang pagpasok ni Sky sa kanyang office kaya pinalabas na niya si Manong Jun at sinabihang huwag na siyang ipagtimpla ng kape. Nagkwentuhan ang dalawa sa mga nangyari sa kanila sa mga nakalipas na araw. Matagal-tagal din silang nag-usap.

“Hay naku, buti na lang at nandito ka. Kundi mamamatay nanaman ako sa mga stress na binibigay sa akin ng trabaho ko.” – Venice

“Ano ka ba sis, your welcome. Ano, tuloy ba ang lakad sa Sunday with your friends?” – Sky

“Tuloy na tuloy kaya kailangan mong sumama para ipakilala kita sa mga friends kong hunk na hunk.” – Venice

“Siyempre naman. Go lang ng go.” – Sky

          Sabay nagtawanan ang dalawa. Pagkatapos nam

an nilang mag-usap ay nagtungo na si Sky sa kanyang trabaho. Buong araw namang kaharap lang ni Venice ang computer at mga papeles. Wala naman siyang magawa, kailangan niya talagang gawin ang kanyang trabahong nakatoka sa kanya. Mayat maya ay pumasok ulit si Sky sa kanyang office.

“Sis, mamaya mall tayo ha.” – Sky

“Ay oo, magpapasama sana ako sayo kasi may bibilhin ako. Alam mo na basta mall, game na game ako diyan!” – Venice

          Pagkatapos ay ipinagpatuloy ulit ang kanilang trabaho ng maghapon.